Бодууштай хэдэн үгс

Sunday, October 10, 2010

Би бизнес хийх үнэхээр их хүсэлтэй л дээ. Янз бүрийн бизнесийн боломжийг судлаж, харж явдийн. Тэгэхдээ өөрийн гэсэн яг үүнийг хийнэ дээ гэсэн хэд хэдэн бизнес байдиймаа. Тэр одоохондоо нууц...

Амьдралаа амжилттай, үр бүтээлтэй өнгөрөөсөн хүмүүсийн амьдралын туршлага, түүхийг сонсох их дуртай. Тэгээд агуу хүмүүсээс сонссон хэдэн түүх, хөгжилтэй яриаг манай блогоор зочлогч танд дамжуулж байна. Уншаад нэгийг бодоорой.

Хүн анхны авсан галаа /урам зориг, эрч хүч, хүсэл тэмүүлэл, ямар нэг мэдээллийг гэсэн үг/ 2,5 өдөр хадгалдаг гэнэ. Эрдэмтэн мэргэд гоц хүмүүс ямар нэг мэдээллийг зөвхөн сонсоод гарахад 25%-ийг нь тогтоодог юм байна. Энгийн хүмүүс үүнээс бага хувьтай л гэсэн үг л дээ.

Харин сонссоноо бусдад дамжуулахад 95%-ийг нь өөрийн болгон тогтоож чаддаг байна.
Бид утсаа цэнэглэдэг хирнээ ӨӨРИЙГӨӨ ЦЭНЭГЛЭДЭГГҮЙ, Монголчууд бид машинаа жилд нэг удаа үзлэгт оруулдаг хирнээ өөрийнхөө биеийг үзлэгт оруулдаггүй гэнэ.

ХЭЛ СУРАХГҮЙ БОЛ гадаад гараад л ам маань юм идэх л зориулалттай болдог гэнээ.

Хаалга болгонд НЭГ ТҮЛХҮҮР таардаг бол ЦООЖ гэж байхын хэрэггүй. Үүний адил хүн бүрд өөрийн гэсэн түлхүүр байдаг бөгөөд тэр түлхүүрийг нь олвол тухайн хүний ертөнцөд нэвтэрч чаддаг байна.

Алсын хараагаа таниагүй хүн жижиг бэрхшээлд унадаг. Тиймээс өдөр бүр БЭРХШЭЭЛ гэдэг найзтай уулзана гэдгээ тооцоол. БЭРХШЭЭЛ бүрийн цаана заавал БЭЛЭГ байдаг. Жишээ: Салхи ирж байдаг. Энэ салхи холуур холуур гэж битгий хэл. Туулах ёстой бэрхшээлийг туулаад л гар.

Бидний бяцхан бизнес

Saturday, October 9, 2010

Манай гэр бүл нэгэн бизнес эхлэж байгаа юм. Тэгээд блог дээрээ РЕКЛАМ явуулахаар шийдлээ.

Үхрийн махны өөх, хальсыг нь цэвэрлээд 3 янзаар бэлтгээд 0,5 ба 1 кг-аар уутлан худалдаж байна. Үүнд:
Цул мах
Машиндсан мах
Хэлбэртэй хэрчсэн мах

Илүү дэлгэрэнгүй мэдээлэл авахыг хүсвэл доорхи утас, емайл хаягаар холбогдож лавлана уу?

Та манайхаас цэвэрхэн чанартай үхрийн махаа аваарай. Мөн бидний энэхүү бизнесийг дэмжиж санасан үедээ Ертөнцийн Эзэнээс гуйж, тогтмол чанартай мах авахыг хүсж буй хүмүүст зуучилж туслахыг хүсье.

Баярлалаа. Мөн таны бизнест амжилт хүсье.

Гуйлтанд нэгдэхэд уриалж байна

Sunday, October 3, 2010

Манай УБ-ын /Христийн Нөхөрлөл/ сүмийн Шейка пасторын маань 8 настай охин машинд мөргүүлээд одоогоор эмнэлэгт хэвтэж байгаа билээ. Энэ асуудал биднийг Их Эзэн рүү улам бүр хандан тэр жаахан охины төлөө санаа нэгдэн гуйхад хүргэж байгаа юмаа.

Бид өглөө орой бүр Тунгаанаагийн төлөө гуйж байгаа. Манай хоёр хүү ч эдгэрнэ гэдэгт итгэлтэйгээр хамт гуйж байгаа.

Харин би өнөөдөр гуйлт хийж байхдаа нэг зүйлийг санаж бас ойлгов. Бид гуйлт хийхдээ Тунгаанааг эдгээж өгөөч, эмч нар нь зөв оношилж, сайн эмчилгээ хийх болтугай, аав ээж гэр бүлийн нь дээр амар тайвнаа өгөх болтугай, хэрэгцээтэй мөнгө төгрөг, санхүү, эд материал, эм тариагаар туслаарай гээд л... Мөн түүнийг мөргөөд зугтсан, баригдсан тэр нөхрийг шударгаар шүүж өгөөч, хариуцлага тооцуулж нананана гээд хүн бүр гуйж байгаа.

Бидний гуйлтын ГОЛ ҮР ДҮН: бид юу хамгийн их хүсэж байна вэ гэвэл ТУНГААНАА МААНЬ эдгэрээд дэгдэн гүйх, хожим энэ аваараас болоод ямар нэг өвчин зовиургүй байх л хамгаас хамгаас чухал юм л даа.
Тиймээс энийг цагдаа сэргийлэх, мөнгө төгрөг, эргэлт, санаа тавилт хийж чадахгүй санагдаж байна. Тунгаанаагийн тархинд үүссэн гэмтэл, өвчин зовиурыг бүрмөсөн эдгээж чадах ЦОРЫН ГАНЦ хүч чадал нь биднийг БҮТЭЭГЧ, ЭДГЭЭГЧ ИХ ЭЗЭН ЕСҮС ХРИСТ минь л юм даа. Тэр биднийг бүтээсэн учраас эд эрхтэн, эс бүхийг маань нарийн сайн мэдэх билээ. Бие махбодь доторх хэсэг бүрээс гадна зүрх сэтгэл дэх гүн гүнзгий бодол хүслийг маань ч мэддэг Тэр Их Эзэн маань л бидний гуйлтанд ТӨГС ХАРИУЛЖ чадна.

Танаас гуйж байна Есүс. Бидний сүнсээр нэгдэн гуйж байгаа энэхүү гуйлтанд заавал тодорхой хариулт, сайн үр дүн өгөөч. Та бол бидний итгэл найдвар. Еврей 11.1

Thank you - БАЯРЛАЛАА ...

Saturday, October 2, 2010

За өнгөрсөн зун ер нь их гадаад хүмүүстэй ажиллалаа. Гол ер хэл сурахсан гэсэн нууцхан гэхүү шууд тийм бодолтой байсан ч гэхүү. Юутай ч их л олон гадаад хүмүүстэй ажиллалаа.
Тэгээд тэднээс олон ч зүйл сурлаа. Нуршаад яах вэ хэлэх гэснээ шууд хэлье.

Тэр хүмүүс бие биедээ, ер нь бусдад байнга л БАЯРЛАЛАА гэж хэлэх юм. Монголоор биш л дээ. Өөр өөрийн хэлээр. Гэтэл монголчууд бид бие биедээ баярлалаа гэж тун бага хэлдэг бараг хэлдэггүй гэсэн ч хэлсдэхгүй юм байна. Бидний энэ үг нь гадны хүмүүст л хэлхээр бидэнд байдиймуу хаашаа юм бэ гэж бодогдсон.

Харин тэр гайхал гадаадууд маань бол нэг өгүүлбэр хэлээд, нэг хүнтэй зөрөөд л баярлаж талархснаа илэрхийлж байх юм. Монголчууд бид хийх ёстой зүйлээ хийсэн хүнд баярлалаа гэж ер нь хэлдэггүй. Харин тэднээс би хийх ёстойгоо хийсэн хүнд ч, хийх ёстойгоосоо илүү хийсэн хүнд адилхан баярлалаа гэж хэлэх хэрэгтэйг сурсандаа маш их баяртай байна.

Бусдад баярлаж чаддаг хүн өөрөө баяртай байдийн байна. Жижигхэн зүйлд ч хамаагүй баярлаад яваад байхад жижигхэн зүйлд баярлаж тэндээсээ баяр хөөрийг харж, урам зориг, эрч хүчийг олж авдийн байна НӨХДӨӨ. "Инээж, инээмсэглэж явдаг" хүмүүсийн нууц нь энэ л байхдаа гэж бодлоо.

Ингээд бодхоор Есүст итгэгч бид Ертөнцийн Эзэнийхээ бидэнд хийж өгсөн зүйлд талархдаг тулдаа л жаахан талархаж мэддэг бололтой. Монгол хүн бүр талархал дүүрэн байдаг бол хичнээн олон зүйл өөр байх байсан бол доо ....

Анхаарч уншсанд:

Аавын омогшил

Thursday, July 15, 2010

Өчигдөр манай лагерьт гэнэт айхтар хүчтэй салхилаж, аянга цахилгаантай бороо орлоо л доо. Бид сандарч хамаг цонх хаалгаа хааж, юм хумаа хамж аваад гэртээ орлоо. Харин 2 настай бага хүү маань хажуу айлд тоглож байсан юм. Хүчтэй салхины дараа томоос том мөндөр орж газар тэр чигээрээ цас орсон мэт болсны дараа үргэлжлүүлээд аймаар хүчтэй бороо асгарлаа.

Эхнэр бид 2 хүү маань айлд айж байгаа байх гээд би авхаар гүйж орлоо. Хүүгээ хөнжилд ороогоод, зоонтогон доор тэврээд ширүүн салхи, хүчтэй бороон дундуур ус туулан гүйж авч орж ирэхэд би шалба норсон байлаа. Харин хүү маань нэг ч дусал бороонд нороогүй бага зэрэг гайхсан маягтай орж ирсэн юм.

Тэгээд надад НЭГЭН ЗҮЙЛ БОДОГДСОН юм. Ертөнцийн Эзэн бол бидний Аав. Тэр өөрийн хүүг ямар нэгэн аюулаас хамгаалахдаа үнэхээр ихээр омогшдог юм байна гэж. Саад бэрхшээл, хүнд хэцүү дундуур, тохиолдож болох айдас хүйдэс, муу бүхнээс хүүгээ хамгаалж гаргасны дараа тэр ямар ихээр омогшдог болоо. Тэр намайг хамгаалж хаацайлж чадсандаа ямар их баярладаг бол. Түүний хувьд намайг хүүгээ хамгаална хаацайлна гэдэг ямар сайхан болохыг би ойлгосон юм. Би тэр Мөнхийн Аавдаа итгэж байна. Надад хайртайд нь, намайг хамгаалж, амжилтад хүргэх сайн замаар дагуулна гэдэгт нь би ИТГЭЖ БАЙНА.

Тэр үргэлж надад найдвар бэлэглэгч, дэмжин урамшуулагч Аав маань юмаа.

Үнэнч ТАКСИНЫ ЖОЛООЧ

Wednesday, January 13, 2010

Америкд жуулчилж байсан хэсэг хүмүүс нэг таксинд 21000 ам.доллартай цүнхээ орхиж буусан байна. Хүмүүс юмаа алдсан хүмүүст эргэж олдоно гэсэн бодлоо орхи гэж байсан ба цагдаа нар олдож магад гэж тайвшруулж байсан байна. Харин нөгөө таксины жолооч цүнхийг онгойлгож үзээд мөнгө болон зочилж очих айлын хаягийг олоод 80 гаран км явж жуулчдын буусан газар очиж юмаа орхисон тухай хэлэх гэсэн боловч эзгүй байсан тул мөнгө чинь аюулгүй байгаа тухай зурвас үлдээжээ. Хэсэг хугацааны дараа жуулчид энэ тухай мэдээд жолооч руу залгасан байна. Тэгээд жолооч буцаж нөгөө газраа ирээд мөнгө болон бусад зүйлийг нь өгсөн гэнэ. Тэгээд таксины жолооч “намайг бага байхад ээж маань үнэнч шударга байж, сайн ажил гэж заадаг байсан” гээд жуулчдын өгсөн шагналын мөнгийг аваагүй байна.
Америкад 1км явахад 2-3 доллар байдаг бөгөөд тус жолоочийн жуулчдын эд зүйлсийг өгөх гэж явсан км нь 300 гаран км газрыг туулсан байна.

Онцгой шинэ жил

Saturday, January 2, 2010

Таны хувьд хамгийн онцгой жил хэзээ болж өнгөрсөн бэ?

Эр хүн амьдралдаа туг барьж, тугал хариулдаг гэдэг. Өнөөдөр өнгөрсөн жилийн талаар бодож байхад миний амьдралд сонин содон зүйл үнэхээр их болж байжээ. Тэгээд аль нь онцгой содон, гайхалтай сайхан байсийн болоо гэж бодоход хүрсэн. Жил бүр л бусад жилүүдээс өөр өөр үйл явдлаар дүүрэн байсийн байна. Өнгөрсөн жил гэхэд л 5 сараас хойш би 8-9 өөр ажил хийж, сайн муу олон хүмүүстэй уулзан таарч байсан. Гэтэл үүнээс өмнө 8 жилийн турш зөвхөн ганцхан ажил хийсэн байх.

2010 онд миний амьдралд Их Эзэн юу төлөвлөснийг таахын аргагүй юм. Гэвч нэг зүйлийг би сайн мэдэж байна. Тэр бол өнгөрсөн жилүүдээс өөр, өнгөрсөн жилүүдээс онцгой байна гэдэг нь тодорхой. Сүүлийн үед би өөрийн эрхгүй нэг үгийг хэлдэг болсон байна лээ. "Сайхнаар нь л бодъё" гэж. Шинэ оны хаалган дээр би танд нэг зүйлийг уриалах гэсэн юмаа. Ирэх онд яалт ч үгүй тохиолдох юм шиг хэцүү асуудал, зовлон танд байж магадгүй. Гэвч "Сайхнаар нь л бодъё" гэж хэлэх гэсэн юм. Хүний бодож санаа зовсон зүйлийн ихэнх нь амьдралд нь болдоггүй гэж би нэг сонссон юм.

Бидний 2010 он сайхан зүйлээр дүүрэн байх болно. Сэргэлтүүд ирнэ, амжилтууд, баяр жаргалтай үйл явдлууд бялхам байна гэж найдацгаая. Үнэхээр ийм зүйл болно. Яагаад гэвэл биднийг Ерөөгч Нэгэн байдаг болхоор... ОНЦГОЙ ШИНЭ ЖИЛ БАЙХ БОЛНО.